បច្ចេកវិទ្យាស្អាត
យើងស្រាវជ្រាវ និងអនុវត្តបច្ចេកវិទ្យាចូលក្នុងដំណើរការផលិត និងអាជីវកម្ម រួមទាំងការប្រើប្រាស់ជី ដើម្បីសម្រេចគោលដៅកាត់បន្ថយការបញ្ចេញឧស្ម័ន និងបន្ថយផលប៉ះពាល់ដល់បរិស្ថាន។
ការបង្កើតទំនុកចិត្ត
រួមដំណើរសហការសម្រាប់ការអភិវឌ្ឍ
រួមដំណើរសហការសម្រាប់ការអភិវឌ្ឍ
សាររបស់
ការអភិវឌ្ឍប្រកបដោយចីរភាព
“គ្រឹះដ៏រឹងមាំ – ក្តីសង្ឃឹមធំធេង! លឿនជាង – ប្រសិទ្ធភាពជាង!”
ជាគោលនយោបាយដឹកនាំសកម្មភាពទាំងអស់របស់ក្រុមហ៊ុន PVCFC ក្នុងឆ្នាំ ២០២៥ ហើយក៏ជាទិសដៅយុទ្ធសាស្ត្ររយៈពេលវែងនៃដំណើរអភិវឌ្ឍន៍ចីរភាពដែលក្រុមហ៊ុនបាននិងកំពុងអនុវត្តន៍
ជាមួយគោលបំណងអភិវឌ្ឍសេដ្ឋកិច្ចដែលភ្ជាប់ជាមួយការទទួលខុសត្រូវក្នុងការការពារបរិស្ថាន និងចែករំលែកតម្លៃជាមួយសហគមន៍ សង្គម យើងមិនត្រឹមតែផ្តោតលើការសម្រេចជោគជ័យបច្ចុប្បន្នទេ ប៉ុន្តែថែមទាំងមានក្តីសង្ឃឹមបង្កើតពិភពបៃតងប្រសើរឡើងរាល់ថ្ងៃផងដែរ។
ក្នុងដំណើរផ្លាស់ប្តូរទៅកសិកម្មបៃតង ក្រុមហ៊ុន PVCFC បាន និងកំពុងខិតខំប្រឹងប្រែងជាបន្តបន្ទាប់ក្នុងការបង្កើតតម្លៃជាក់ស្តែង មានភាពយូរអង្វែង និងមានអត្ថន័យសម្រាប់ដៃគូ អតិថិជន និងសហគមន៍សង្គម។ ជាមួយនឹងជំនឿដ៏មាំមួន និងការបេ្តជ្ញាបង្កើតសមិទ្ធផលថ្មីជារៀងរាល់ថ្ងៃ យើងជឿជាក់ថា ក្រុមហ៊ុនភាគហ៊ុនជីប្រេងឧស្ម័នកាម៉ៅ នឹងបន្តអភិវឌ្ឍយ៉ាងរឹងមាំបោះជំហានទៅមុខធ្វើឲ្យម៉ាក PVCFC ក្លាយជានិមិត្តសញ្ញានៃការអភិវឌ្ឍន៍ប្រកបដោយចីរភាព និងទំនួលខុសត្រូវក្នុងសង្គមជាអាទិភាព។
ប្រធានក្រុមប្រឹក្សាភិបាល PVCFC
ការអភិវឌ្ឍន៍ប្រកបដោយចីរភាពរបស់ក្រុមហ៊ុន PVCFC ត្រូវបានទទួលស្គាល់តាមរយះការទទួលពានរង្វាន់ដ៏មានតម្លៃជាច្រើនក្នុងវិស័យផ្សេងៗ៖
គោលដៅ និងផែនទីកាត់បន្ថយកម្រិតបញ្ចេញឧស្ម័ន
រួមដៃគ្នាធ្វើសកម្មភាពសម្រាប់គោលដៅការអភិវឌ្ឍន៍ប្រកបដោយចីរភាព
យកឆ្នាំ ២០២៤ ជាគោលដៅមូលដ្ឋាន ក្រុមហ៊ុន PVCFC បានកំណត់ទិសដៅឆ្ពោះទៅកាន់គោលដៅ៖
កាត់បន្ថយការបញ្ចេញឧស្ម័នសរុប
0
៧.១៥៨ តោន CO₂ ក្នុងមួយឆ្នាំ
(គ្រោងទុកដល់ឆ្នាំ ២០៣០)
កម្លាំងបញ្ចេញឧស្ម័ន
0
ក្នុងរយៈពេលឆ្នាំ ២០២៥ – ២០២៨
0
ក្នុងរយៈពេលឆ្នាំ ២០២៨ – ២០៣០
ដំណោះស្រាយកំពុងពិចារណាដើម្បីកាត់បន្ថយការបញ្ចេញឧស្ម័ន
ដំឡើងម៉ាស៊ីនត្រជាក់ CO₂
(CO₂ chiller) បន្ថែម
(CO₂ chiller) បន្ថែម
បង្កើនសុវត្ថិភាពក្នុងការប្រតិបត្តិម៉ាស៊ីនបង្ហាប់ K06101 ដោយកាត់បន្ថយសមត្ថភាពប្រតិបត្តិជាក់ស្តែងប្រហែល ៣%
0
ដំឡើងប្រព័ន្ធ Sub Cooler
ជួយកាត់បន្ថយសមត្ថភាពម៉ាស៊ីនផ្លុំខ្យល់ KT04441 ប្រហែល ២,៥៥% (ពី ៥.៨៥២ kW ចុះទៅ ៥.703 kW)
0
ប្រើប្រាស់ថាមពលព្រះអាទិត្យលើដំបូល (Solar Rooftop) មានសមត្ថភាព ៥ MW
កាត់បន្ថយបរិមាណអគ្គិសនីជាតិ បន្ថយការបញ្ចេញឧស្ម័ន CO₂ យ៉ាងសំខាន់ រួមចំណែកក្នុងការអនុវត្តប្តេជ្ញាចិត្តអភិវឌ្ឍន៍ចីរភាព និងការពារបរិស្ថាន កាត់បន្ថយប្រហែល ៤.៩០៥ តោន CO₂ ក្នុងមួយឆ្នាំ
0
រចនាសម្ព័ន្ធការគ្រប់គ្រង ESG
ទិសដៅ
អភិវឌ្ឍន៍ចីរភាព
អភិវឌ្ឍន៍ចីរភាព
គ្រោងការអភិវឌ្ឍប្រកបដោយចីរភាព ត្រូវបានបង្កើតឡើង ដើម្បីធានាថា ការអនុវត្តយុទ្ធសាស្ត្រអាជីវកម្មរបស់ក្រុមហ៊ុនអនុវត្តបានប្រសើរយ៉ាងមានប្រសិទ្ធភាព ដោយពិចារណាលើកត្តាសំខាន់ ៤ ប្រភេទ៖
ការអនុវត្តល្អបំផុត
ការចូលរួមរបស់ភាគីពាក់ព័ន្ធ
ទិសដៅរបស់ PVN
បទបញ្ញត្តិស្របច្បាប់
- សកម្មភាព និងការសម្រេចចិត្តទាំងអស់របស់ក្រុមហ៊ុន ត្រូវបានដឹកនាំដោយយុទ្ធសាស្ត្រអាជីវកម្មដែលបានអនុម័ត ដើម្បីធានាថា ការអភិវឌ្ឍប្រកបដោយចីរភាព មិនត្រឹមតែជាផ្នែកមួយនៃការប្តេជ្ញារបស់ក្រុមហ៊ុនចំពោះបរិស្ថាន និងសហគមន៍ទេ ប៉ុន្តែជាផ្នែកស្នូលមួយនៃគំរូអាជីវកម្មរបស់ក្រុមហ៊ុនដែលមិនអាចបំបែកចេញបាន។
- ការអនុលោមតាមបទបញ្ញត្តិស្របច្បាប់ មិនត្រូវបានចាត់ទុកថាជាកាតព្វកិច្ចទេ ប៉ុន្តែជាការតម្រូវចាំបាច់សម្រាប់សកម្មភាពទាំងអស់ ដើម្បីជួយបង្កើតបរិយាកាសអាជីវកម្មមានសុចរិតភាព និងយុត្តិធម៌សម្រាប់ក្រុមហ៊ុន។
- បន្ថែមទៀត ការរៀនពីបទពិសោធន៍ និងយកគំរូពី ការអនុវត្តល្អបំផុត ក្នុងឧស្សាហកម្មផលិតជី គឺជាកត្តាសំខាន់មួយក្នុងការខិតខំរបស់ក្រុមហ៊ុន ដើម្បីអនុវត្តវិធីសាស្ត្រទំនើប និងមានប្រសិទ្ធភាពខ្ពស់បំផុតនៅក្នុងដំណើរការផលិត។ ក្រុមហ៊ុនបានយកអនុវត្តជាក់ស្តែងនៃ សមាគមជីអន្តរជាតិ (IFA) និងអង្គការដឹកនាំផ្សេងទៀតនៅលើពិភពលោកជាគោលយោងសកម្ម។
- ក្រុមហ៊ុនក៏យកស្ដង់ដារ និងមគ្គុទេសក៍អភិវឌ្ឍប្រកបដោយចីរភាពអន្តរជាតិ ដូចជា គោលដៅអភិវឌ្ឍប្រកបដោយចីរភាពនៃសហប្រជាជាតិ (UN SDGs) និង សន្ទស្សន៍របាយការណ៍សកល (GRI) ដែលពាក់ព័ន្ធនឹងវិស័យជី ដើម្បីធានាថា សកម្មភាពអាជីវកម្មរបស់ខ្លួន មានការរួមចំណែកក្នុងការដោះស្រាយបញ្ហាបរិស្ថាន និងសង្គមជាសកល។
- រាល់ក្រុមហ៊ុននីមួយៗ មានលក្ខណៈពិសេសផ្ទាល់ខ្លួន ដូច្នេះ វិធីសាស្ត្រអភិវឌ្ឍប្រកបដោយចីរភាពរបស់ PVCFC តែងតែត្រូវបានប្តូរតាមស្ថានភាព និងតម្រូវការពិតប្រាកដរបស់ក្រុមហ៊ុន ដើម្បីបង្កើនប្រសិទ្ធភាព និងបង្កើតតម្លៃប្រកបដោយចីរភាព សម្រាប់ក្រុមហ៊ុន និងសហគមន៍។
- ដោយរួមបញ្ចូលយ៉ាងជិតស្និទ្ធ រវាងយុទ្ធសាស្ត្រអាជីវកម្ម ការអនុលោមច្បាប់ បទពិសោធន៍ឧស្សាហកម្ម ស្ដង់ដារអន្តរជាតិ និងការសម្របតាមលក្ខណៈរបស់ក្រុមហ៊ុន ផ្នត់គំនិតរបស់ក្រុមហ៊ុនត្រូវបានស្ថាបនាលើមូលដ្ឋានរឹងមាំ និងគួរឱ្យទុកចិត្ត ដើម្បីគាំទ្រការធ្វើផែនការ និងអនុវត្តយុទ្ធសាស្ត្រអភិវឌ្ឍប្រកបដោយចីរភាពយ៉ាងមានប្រសិទ្ធភាព។
កាត់បន្ថយការប្រើប្រាស់ថាមពលចុ
ដល់ចុងឆ្នាំ ២០២៥ ប្រៀបធៀបនឹងឆ្នាំ ២០២២
កាត់បន្ថយកម្លាំងបញ្ចេញឧស្ម័នចុ
ក្នុងមួយតោនផលិតផល ដល់ឆ្នាំ ២០៣០ ប្រៀបធៀបនឹងឆ្នាំ ២០២៤
ប្តេជ្ញាចិត្តទទួលខុសត្រូវបរិស្ថាន និងអភិវឌ្ឍន៍រយៈពេលវែង
ក្រុមហ៊ុន PVCFC តែងតែគោរពយ៉ាងតឹងរឹងតាមច្បាប់បច្ចុប្បន្ន និងគ្រប់គ្រងប្រតិបត្តិការតាមស្តង់ដារ ISO 14001:2015 ដើម្បីត្រួតពិនិត្យការងារពាក់ព័ន្ធនឹងបរិស្ថាន។
ប្រភពបញ្ចេញកាកសំណល់ទាំងអស់ពីរោងចក្រត្រូវបានត្រួតពិនិត្យយ៉ាងតឹងរឹង និងកាត់បន្ថយអតិបរមា ដោយការត្រួតពិនិត្យគុណភាពត្រូវបានធានាឲ្យស្របតាមបទបញ្ជាមុនពេលបញ្ចេញទៅបរិស្ថាន។
ថាមពល
បន្តផ្តោតលើការកែលម្អប្រសិទ្ធភាពនៃការប្រើប្រាស់ថាមពល។ ស្វែងរកប្រភពថាមពលកកើតឡើងវិញ ដើម្បីជំនួសផ្នែកមួយនៃថាមពលហ្វូស៊ីល ដែលកំពុងប្រើប្រាស់ បង្កើនប្រសិទ្ធភាពប្រើប្រាស់ថាមពល និងកាត់បន្ថយការបញ្ចេញឧស្ម័ន។
ការផ្លាស់ប្តូរអាកាសធាតុ
យើងប្រើប្រាស់ធនធានដែលមានស្រាប់ទាំងអស់ ដើម្បីកាត់បន្ថយការបញ្ចេញឧស្ម័នសរុប និងកម្លាំងបញ្ចេញឧស្ម័នផ្ទះកញ្ចក់ទាំង៣វិស័យ។ យើងបន្តវិនិយោគក្នុងការស្រាវជ្រាវផលិតផល ដើម្បីផ្តល់ជូននូវផលិតផលជួយកសិករទប់ស្កាត់ផលប៉ះពាល់នៃការផ្លាស់ប្តូរអាកាសធាតុ ដូចជា ការរងគ្រោះដោយគ្រោះរាំងស្ងួត និងការប៉ះពាល់ដោយអំបិល។
កសិកម្មសន្សំសំចៃ
ជាប្រព័ន្ធផលិតកសិកម្មដែលមានលក្ខណៈបិទជិត ដែលសំណល់ និងផលប៉ះពាល់ត្រូវបានប្រើឡើងវិញជាវត្ថុធាតុដើមសម្រាប់ផលិតភាពបន្ទាប់។ វាជួយប្រើប្រាស់ធនធានអតិបរមា បន្ថយកាកសំណល់ និងផលប៉ះពាល់អវិជ្ជមានលើបរិស្ថាន។ យើងផ្តោតលើសកម្មភាព និងផលិតផលដែលផ្តល់ជូនសារធាតុចិញ្ចឹមដល់ដំណាំយ៉ាងចីរភាព ដោយបង្កើនសមាមាត្រជីសរីរាង្គ និងជី មីក្រូសារពាង្គកាយ ព្រមទាំងកែលម្អសុខភាពដី។
ទឹក ខ្យល់ និងសំណល់
យើងមានគោលបំណងគ្រប់គ្រង និងប្រើប្រាស់ធនធានទឹកយ៉ាងមានទំនួលខុសត្រូវ ដោះស្រាយសំណល់ក្នុងដំណើរការផលិត ជាពិសេសការទាញយក និងកែច្នៃសំបកបាវជីវិញឡើង។
ភាពចម្រុះជីវៈ
សកម្មភាពរបស់យើងផ្តោតលើការរក្សា និងការពារភាពចម្រុះជីវៈ តាមរយៈការផ្តល់ផលិតផលគុណភាពល្អដល់អតិថិជន និងការបណ្តុះបណ្តាលអំពីការប្រើប្រាស់ជីតាមទិសដៅចីរភាព ដោយគោរពតាមគោលការណ៍ 4R របស់សមាគម IFA និង 5 តាមបទបញ្ជារបស់រដ្ឋវៀតណាម។
ក្រុមហ៊ុន PVCFC តែងតែយល់ដឹងយ៉ាងជ្រាលជ្រៅថា ភារកិច្ចចំពោះសហគមន៍សង្គម មិនមែនត្រឹមតែជាកាតព្វកិច្ចទេ ប៉ុន្តែជាតម្លៃមនុស្សធម៌ស្នូល ដែលបង្កើតជាមូលដ្ឋាននៃការអភិវឌ្ឍន៍ចីរភាពរបស់សហគ្រាស។
មនុស្សគ្រប់រូបមិនអាចរស់នៅដោយដាច់ពីសង្គមបានទេ។ ដូច្នេះហើយ ក្រុមហ៊ុនយើងខ្ញុំបានខិតខំប្រឹងប្រែងបន្តបន្ទាប់ក្នុងការលើកកម្ពស់ជីវភាពសហគមន៍នៅទីកន្លែងដែល PVCFC ប្រតិបត្តិការតាមរយៈការវិនិយោគ ការអភិវឌ្ឍសហគមន៍ និងផ្តល់អត្ថប្រយោជន៍ល្អបំផុតដល់សង្គម ដើម្បីធានាសុវត្ថិភាព និងផលប្រយោជន៍សម្រាប់មនុស្សគ្រប់រូប។
ការពារ និងបង្កើតធនធានមនុស្ស
មនុស្សគឺជាធាតុសំខាន់បំផុតនៃភាពជោគជ័យរបស់ PVCFC។ យើងផ្តោតលើការបង្កើតបរិយាកាសការងារដែលធានាឲ្យបុគ្គលិកមានសុខភាពល្អ មានសុវត្ថិភាព បានទទួលសេវាសុខុមាលភាពសមរម្យតាមការរួមចំណែក និងបទពិសោធន៍ រួមទាំងឱកាសអភិវឌ្ឍន៍ជំនាញបន្ថែម។
សុខុមាលភាពសម្រាប់កសិករ និងអតិថិជន
កសិករគឺជាផ្នែកសំខាន់ក្នុងខ្សែតម្លៃកសិកម្ម។ តាមរយៈកម្មវិធីបណ្តុះបណ្តាល កិច្ចសហការជាមួយអង្គការផ្សេងៗ និងកម្មវិធីគាំទ្រដល់អតិថិជន/កសិករ PVCFC រួមចំណែកក្នុងការកែលម្អជីវភាព និងសេដ្ឋកិច្ចជនបទ ព្រមទាំងជំរុញឲ្យវិស័យកសិកម្មអភិវឌ្ឍទៅតាមទិសដៅចីរភាព។
សុវត្ថិភាពផលិតផល
ជីមានសុវត្ថិភាពជួយបង្កើនផលិតភាព និងគុណភាពដំណាំ ព្រមទាំងការពារបរិស្ថាន និងសុខភាពមនុស្ស។ គុណភាពជីត្រូវបានគ្រប់គ្រងយ៉ាងតឹងរឹងតាមស្តង់ដារអន្តរជាតិ ចាប់ពីវត្ថុធាតុដើមរហូតដល់ផលិតផលចុងក្រោយ ដោយធ្វើការត្រួតពិនិត្យជាប្រចាំក្នុងដំណើរការផលិត ដើម្បីធានាឲ្យផលិតផលនីមួយៗមានគុណភាពខ្ពស់ និងសមរម្យ សម្រាប់ការពារសុខភាពសហគមន៍ និងភាពចម្រុះជីវៈ។
សេដ្ឋកិច្ចចីរភាព
យើងគាំទ្រកសិករឱ្យអាចចូលប្រើប្រាស់ប្រភពហិរញ្ញវត្ថុសម្រាប់ដំណើរការផលិត និងអាជីវកម្ម។ ព្រមជាមួយនឹងការណែនាំអំពីសេចក្តីរៀបចំប្រព័ន្ធហិរញ្ញវត្ថុបៃតង ដើម្បីធានាឲ្យមានប្រសិទ្ធភាពសម្រាប់បរិស្ថាន និងសង្គមក្នុងគម្រោងនានា។
សហគមន៍:
យើងបន្តគាំទ្រសហគមន៍តាមរយៈគម្រោងដែលមានឥទ្ធិពលខ្ពស់លើការលើកកម្ពស់សង្គមសន្ដិសុខ នៅតំបន់ដែលយើងមានប្រតិបត្តិការនានា។
ភាពចម្រុះ សមភាព និងសាមគ្គីភាព
យើងលើកទឹកចិត្ត និងបង្កើតបរិយាកាសការងារដែលបុគ្គលិកមកពីវប្បធម៌ ភេទ អាយុ សាសនា មតិនយោបាយ សមត្ថភាព និងផ្នែកផ្សេងៗនៃភាពចម្រុះ ត្រូវបានគោរព និងមានសិទ្ធិចូលរួមក្នុងការសម្រេចចិត្ត និងសកម្មភាពរបស់ក្រុមហ៊ុន។
ក្រុមហ៊ុន PVCFC ប្តេជ្ញាអនុវត្តន៍ការគ្រប់គ្រងសហគ្រាសនៅកម្រិតខ្ពស់បំផុតដែលយើងអាចអនុវត្តបាន ដែលរួមបញ្ចូលទាំងការអនុវត្តតាមគោលការណ៍គ្រប់គ្រងសហគ្រាសល្អបំផុតនៃប្រទេសវៀតណាម និងអាស៊ាន។
PVCFC បន្តអនុវត្តការគ្រប់គ្រងសហគ្រាសយ៉ាងប្រសើរ បញ្ជាក់ថាលទ្ធផលនៃការគ្រប់គ្រង និងការដឹកនាំរបស់យើងកំពុងដំណើរការទៅតាមទិសដៅត្រឹមត្រូវ តាមនិន្នាការទំនើប បន្តបញ្ចូលស្តង់ដារ ESG ទៅក្នុងប្រតិបត្តិការគ្រប់គ្រង និងដឹកនាំ ដើម្បីសម្រេចគោលដៅអភិវឌ្ឍន៍ចីរភាព។
មើលច្រើនទៀត
ការអនុលោមតាមច្បាប់សម្រាប់ការអភិវឌ្ឍប្រកបដោយចីរភាព
ការអនុលោមតាមច្បាប់ ជួយឲ្យយើងជៀសវាងហានិភ័យផ្នែកច្បាប់ បង្កើនភាពថ្លៃថ្នូរ និងសុចរិតភាពក្នុងការប្រតិបត្តិ ហើយបង្កើតឲ្យមានទំនុកចិត្តនៅលើទីផ្សារ។
រាល់ឆ្នាំ PVCFC តែងរៀបចំផែនការត្រួតពិនិត្យបរិស្ថានជាប្រចាំ និងរាយការណ៍អំពីសកម្មភាពការពារបរិស្ថាន តាមបទបញ្ញត្តិនៃ អនុក្រឹត្យលេខ 40/2019/ND-CP ចុះថ្ងៃទី 13 ឧសភា 2019 និង សារណាលេខ 25/2019/TT-BTNMT ចុះថ្ងៃទី 31 ធ្នូ 2019 ហើយបញ្ជូនទៅកាន់ក្រសួងធនធានធម្មជាតិ និងបរិស្ថាន (MONRE) និងនាយកដ្ឋានធនធានធម្មជាតិ និងបរិស្ថានខេត្តកាម៉ៅ។
លើសពីនេះទៅទៀត យើងក៏កំណត់ប្រភេទបញ្ហាបរិស្ថាន និងធ្វើការវាយតម្លៃផលប៉ះពាល់បរិស្ថាន ដើម្បីកំណត់តំបន់មានអាទិភាព និងអនុវត្តកម្មវិធីត្រួតពិនិត្យបរិស្ថានសមស្របសម្រាប់រាល់ឯកតានៃក្រុមហ៊ុន។
ដើម្បីធានាថា អនុវត្តតាមច្បាប់បច្ចុប្បន្ន យើងធ្វើការអាប់ដេតឯកសារច្បាប់ថ្មីៗជាប្រចាំ និងរៀបចំផែនការអនុវត្តតាមមាត្រាដែលក្រុមហ៊ុនត្រូវអនុលោម ប្រសិនបើមាន។
PVCFC មានក្រុមការងារទទួលបន្ទុកផ្នែកបរិស្ថាន ដែលរួមបញ្ចូលបុគ្គលិកមានជំនាញខ្ពស់ បានបញ្ចប់ការសិក្សាពីសាកលវិទ្យាល័យឈានមុខគេក្នុង និងក្រៅប្រទេស។ រាល់ឆ្នាំ ក្រុមនេះត្រូវបានបណ្តុះបណ្តាល និងបន្ថែមចំណេះដឹងថ្មីៗអំពីការពារបរិស្ថានសម្រាប់កម្មករដែលធ្វើការនៅរោងចក្រ។
បុគ្គលិកទាំងអស់របស់ក្រុមហ៊ុន ជាពិសេសអ្នកធ្វើការនៅរោងចក្រ តែងតែទទួលបានការណែនាំជាប្រចាំអំពីការបែងចែកកាកសំណល់ និងសំរាម ការប្រើប្រាស់អគ្គិសនី ទឹក និងធនធានផ្សេងៗយ៉ាងប្រកបដោយប្រសិទ្ធភាព ក្នុងដំណើរការផលិត និងការិយាល័យ ព្រមទាំងអនុវត្តតាមបទបញ្ជាអនាម័យបរិស្ថាន និងសុវត្ថិភាពការងារ។
អាជ្ញាប័ណ្ណបរិស្ថាន
របាយការណ៍ត្រួតពិនិត្យបរិស្ថាន
No reports available
របាយការណ៍អភិវឌ្ឍន៍ចីរភាព
របាយការណ៍អភិវឌ្ឍន៍ចីរភាព គឺជាស្ពានតភ្ជាប់រវាង PVCFC និងភាគីពាក់ព័ន្ធទាំងអស់ បញ្ជាក់ពីការប្តេជ្ញាចិត្តរបស់ក្រុមហ៊ុនចំពោះគោលដៅលូតលាស់សេដ្ឋកិច្ច ដែលភ្ជាប់ជាមួយការទទួលខុសត្រូវក្នុងការពារបរិស្ថាន និងការរួមចំណែកដល់សហគមន៍សង្គម ដើម្បីបង្កើនអត្ថប្រយោជន៍សម្រាប់ភាគីទាំងអស់។
ឯកសារនេះជួយឲ្យ PVCFC អាចពិនិត្យ និងវាយតម្លៃប្រសិទ្ធភាពនៃផែនការអភិវឌ្ឍន៍ចីរភាពជាបន្តបន្ទាប់ ហើយកែតម្រូវយុទ្ធសាស្ត្រ និងវិធានការអនុវត្តឲ្យមានប្រសិទ្ធភាពខ្ពស់បំផុត ដើម្បីឆ្ពោះទៅគោលដៅ លូតលាស់បៃតង និងអភិវឌ្ឍន៍ចីរភាព នៅអនាគត។
ព័ត៌មានអភិវឌ្ឍប្រកបដោយចីរភាព
ព័ត៌មានទំនាក់ទំនងអំពីការអភិវឌ្ឍប្រកបដោយចីរភាព
យើងសូមស្វាគមន៍យ៉ាងស្មោះត្រង់ចំពោះមតិយោបល់ដ៏មានតម្លៃរបស់លោកអ្នក ដើម្បីជួយធានាថា ការអនុវត្តអភិវឌ្ឍប្រកបដោយចីរភាពរបស់យើង ត្រូវបានអនុវត្តយ៉ាងខ្ជាប់ខ្ជួន និងមានភាពពេញលេញកាន់តែច្បាស់លាស់។
សម្រាប់មតិយោបល់ ឬសំណើណាមួយដែលទាក់ទងនឹងការអភិវឌ្ឍប្រកបដោយចីរភាព សូមទាក់ទង៖
Mr: Do Thanh Hung – អគ្គលេខាធិការរបស់ក្រុមហ៊ុន
Email: contact@pvcfc.com.vn
Subscribe to the newsletter
Please fill out the information in the form below to receive prompt consultation.